Општина Охрид и Секторот за ТЛЕР во рамките на проектот СЦБЕ - ТБЦ финансиран од Европска Унија, програмата ИПА - за прекугранична соработка помеѓу Македонија и Грција 2007-2013, покрај работилницата која беше спроведена за изработка на SWOT анализа што ја покажува состојбата на пазарот на труд и претприемништво во Охрид , дополнително, предвидува и десетдневна обука за развој на претприемништвото.

Во рамките на овој порект наменет за подобрување на претприемништвото во прекуграничната област Лерин-Охрид-Солун, преку воспоставување на нови претпријатија и подобрување на постоечките, вчера ја спроведе првата обука за развој на претприемништвото со цел постигнување на економски развој, самовработување и отварање на нови бизниси.

На обуката предавачите Доц.  Д-р  Драган Шутевски и Методија Саздов преку практични примери упеаја на присутните да им презентираат што значи Креативноста наспроти Иновативноста.  Во наредните обуки ќе биде практично составен бизнис модел и бизнис вежба за сите млади невработени и идни претприемачи да видат како практично една идеја може да се претвори во бизнис.
Обуките ќе се одржуваатво континуитет во периодот што претстои.

Обуката е составена од следните модули: креативност и иновативност, развивање на бизнис модел, менаџмент, комуникација и вмрежување, финансии и развивање на вештини. Обуката се спроведува од страна на стручни професори и експерти, а планирано е да заврши на 7 Јули со бизнис кафе за вмрежување помеѓу сите невработени, вработени, компаниии и организации.
Невработените лица кои сакаат да се вклучат во обуките може да се пријават на следната адреса aleksova.m@yahoo.com

Извор: www.ohrid.gov.mk