Во сабота(02.09 2017) во селото Скребатно, во организација на секторот ТЛЕР при општина Охрид, ќе се одржи “Охридска софра” на која бројни учесници ќе подготвуваат  традиционална храна, како и еден од најпознатите традиционални производи кај гостите и туристите – Ѓомлезето.
За граѓаните кои сакаат да ја проследат Манифестацијата , Општина Охрид организира бесплатен превоз до селото Скребатно.
 
Тргнувањето е во сабота (02.09 2017) во 9:45 часот пред Охридска Банка – превозник Бале турс и 10:00часот пред  Домот на култура во село Лескоец.
Се очекува ваквите Манифестации да придонесат за реализација на целите за развој на нови форми и содржини во општина Охрид и афирмирање на туристичките потенцијали особено на руралните средини.
 

Извор: www.ohrid.gov.mk