Активностите на општина Охрид од проектот „СУСТКУЛТ - Достигнување одржливост преку интегрирано управување со местата на културно наследство “, беа финализирани на средбата што заврши во петокот на 14 февруари во хотелот „ Белведере“ . Проектот е финансиран од програмата за Југоисточна Европа на Европска Унија, а го имплементира Секторот за туризам и локален економски развој при општина Охрид, заедно со уште 12 институции од Романија, Унгарија, Албанија, Грција и Словенија, а носител е градот Венеција од Италија .
Главните активности и реазултати од проектот, беа креираната и објавена ВЕБ- ГИС платформа , методологијата за планови за управување со културно наследство, тренинг обуките за подигнување на човечките капацитети во делот на планови за управување со културно наследство како и изработката на план за управување на општина Охрид во делот на светското културно и природно наследство и изработка на Бизнис план и маркетинг стратегија за управување со локалитетот „ Заливот на коските“ .
На 13 ти фебруари 2014 во хотел Белведере се одржа презентација за предизвиците и остварените резултати на општина Охрид во имплементацијата на транснационалниот европски проект СУСТКУЛТ “Достигнување одржливост преку интегриран пристап на управување со културното наследтво “финансиран од Програмата на Југоисточна Европа .
На презентацијата беа поканети претставници од јавни инстуции ,образовни институции, невладини организации, туристички агенции, здруженија на граѓани како и преставници од 12 институции од седумте СУСТКУЛТ проектни партнери –Италија ,Словенија,Грција, Албанија Романија и Унгарија.
Презентирани беа главните резултати кои произлегоа од успешната имплементација на проектот : WEB –Gis платформа на културни тематски мапи на Охрид, план за управување со доброто на светско наследство на територија на општина Охрид и Бизнис план и Маркетинг стратегија за Заливот на Коски, кој општина Охрид официјално го предаде за имплементација на Завод и Музеј Охрид .
Овој проект претставува уште еден доказ за напорите кои општина Охрид ги прави во делот на заштита и промоција на светското природно и културно наследтво .
Извор: www.ohrid.gov.mk |
