Во Основното училиште „ Живко Чинго“ во  с.Велгошти денеска се одржаа неколку  заеднички работилници во рамки на проектот на УСАИД  за меѓуетничка интеграција во образованието, кој се реализираа со партнерското основно училиште „ Фаик Коница“ од селото Доброште од општина Теарце.  На активностите, покрај учениците, родителите, претставниците на УСАИД, секторите за образование, присуствуваа заменик градоначалникот на општина Охрид  Ангел Јанев и  градоначалникот на општина Теарце Исен Хасани.

Во рамки на проектот за меѓуетничка интеграција во образованието и компонентата за градење на капацитети, се овозможува зајакнување на припадниците на училишното раководство и наставниците преку различни обуки во тесна соработка и партнерство со други образовните институции. Училиштата формираа партнерства кои што им овозможија да организираат заеднички активности и да создадат услови учениците да развиваат нови идеи и иницијативи за зајакнување на меѓуетничката соработка, во чии рамки е и денешната активност. Целта е подобрувањето на меѓуетничката комуникација и надминување на етничките, културолошките и јазичните препреки.

Проектот за меѓуетничка интеграција е поддржан од општина Охрид, преку активно вклучување на основните и средните училишта во неговата реализација. Партнерството помеѓу ОУ „ Живко Чинго“ од  село Велгошти и ОУ „ Фаик Коница“ од  село.Доброште, општина Теарце е пример за меѓуетничка интеграција, за меѓусебното почитување, дружење и почитување на различностите. Инаку двете училишта претходно реализираа заеднички активности во ОУ „Фаик Коница“во  село Доброште, каде на  работилниците и активностите кои ги реализираа учениците, присуствуваше и делегација на општина Охрид.

Извор: www.ohrid.gov.mk