Вечерва и синоќа, во охридското село Велестово по 25-ти пат се одржува поетската ноќ во Велестово.
На манифестацијата, од името на градоначалникот , топло добредојде на поетите од  Норвешка, Црна Гора, Бугарија, Словачка и Русија им посака Зоран Велјаноски, претставник на општина Охрид.

Оваа вечер е посебна , зошто заеднички го славиме    25- годишното постоење на „ Поетската ноќ во Велестово“. Две и пол децении , благодарение на ентузијазмот на основачот Славе Ѓорѓо Димоски  и многуте поддржувачи и  неговите пријатели , овде се слави моќта на поетскиот збор , сликарството и воопшто моќта на уметноста.
Со својата автентичност и оригиналност „Поетската ноќ во Велестово“ се наметна како посебна форма на изразување почит кон убавиот поетски збор. Токму одовде , од овие височини  , сите заедно, вечерва посакуваме и  во иднина да  ја гледаме и почуствуваме  македонската духовна вертикала , која ќе се извишува до бесконечност.
Почитувани !  На крајот , во име на градоначалникот на Охрид Никола Бакрачески  и во мое лично име ,  дозволете да ја  прогласам за отворена , јубилејната 25-та „ Поетска ноќ во Велестово“ .
Нека ни  е долговечна ПОЕТСКАТА НОЌ ВО ВЕЛЕСТОВО.

Првата вечер беше посветена на младата македонска поезија и музички концерт на ансамблот „Билјана“, а после поетското читање, традиционално се одржа поетската изложба на академскиот сликар  Александар Станкоски насловена „Поетика и Политика“.
На интернационалната поетска ноќ    учествуваа поети од 5 земји, Норвешка, Црна Гора, Бугарија, Словачка и Русија, а вечерта беше збогатена со промоција на стихозбирката „ Со други очи“ на поетесата Одвиг Клив од Норвешка, за која говореше поетесата Славица Гаџова.

Извор: www.ohrid.gov.mk