Градоначалникот Никола Бакрачески  заедно со директорите на  Охридските јавни претпријатија, денес  оствари неколку часовна обиколка низ  стариот дел од Охрид со цел да ги сослуша и увиди проблемите кои  се од јавен интерес  а ги тиштат  жителите од населбите  Месокастро и Варош.

Градоначалникот  на терен ги сослушуваше  проблемите и барањата  на  жителите од овој дел на градот,  а  кои беа претежно  од областа на комуналната и инфраструктурна сфера. Со своите сограѓани  тој  ги согледуваше можностите за нови паркинг простори, уредени простори, подобрување на канализациската и водоводната мрежа, паркови и ново подобро  улично осветлување  во стариот дел од градов .Со оглед на добрите временски услови , Градоначалникот Бакрачески  најави дека наредниов период  надлежните служби ќе  излезат на терен и ќе започнат со средување на јавните површини од овој дел на Охрид.

Извор: www.ohrid.gov.mk