Вчеравечер  во хотелот Инекс Горица  беше отворено годинешното издание на Хорскиот фестивал што во Охрид се одржува по седми пат.Фестивалот за отворен го прогласи заменик градоначалникот на Охрид, Ангел Јанев    

-          Хорската музика, посебно преку овој фестивал, без сомнение, години наназад го прават еден од најуспешните, најпријатните и најраспеаните градови во Европа.
Овие денови благодарение на ова издание на Охридскиот Хорски фестивал, Охрид е збогатен со Вас, почитувани: Од Литванија, Романија, Србија, Босна, Полска, Хрватска, Германија, Унгарија, Украина, Бугарија, Турција, Естонија, Македонија ...
Благодарам  што преку музиката и преку Вашето присуство, дел од Вашата култура ја пренесувате кај нас, а лично се надевам и дека дел од Охридското волшебство, од македонската култура ќе ја  понесете со Вас, истакна Јанев Фестивалот кој завршува на 25 август во  понеделник има ревијален  и натпреварувачки дел .

Хоровите  учесници кои се 34 на број    од 13 европски земји ќе  се натпреваруваат  во три категории духовна, поп и фолк музика.
Жири комисијата ќе ја сочинуваат реномирани лица од музичкиот свет и тоа: Марчин Томчак (Полска), Јасенка Остојиќ (Хрватска), Запро Запров (Македонија), Себастјан Врховник (Словенија) и Дарина Чакарова (Бугарија).
Концертите од фестивалот ќе се одржуваат во Дијамантската сала на хотел Инекс Горица и црквата Св. Софија, а во состав на отворањето хоровите ќе изведат кратка програма на отворено. Влезот е слободен.

Извор: www.ohrid.gov.mk