Со   промотивната , културно- забавна манифестација  “Бело лето”  што ќе се одржи на четврти јули  и годинава  во Охрид   официјално ќе  стартува летната туристичката сезона.  Случувањето  започнува  со промоција на традиционалните занаети на малиот плоштад во  Охрид.

- Сите посетители ќе имаат можност на лице место да се запознаат со изработките на занаетчиите во градов, кои што ќе понудат екстра попуст на своите производи до 20 % ,рече  на денешната средба со новинарите Ѓоко  Апостолов од Секторот за туризам и локален економски развој.
 

 Централно случување на манифестацијата ќе биде концертот  на популарната музичка  група “Нокаут“ и познати ди џеи закажан за 21 часот на  градскиот плоштад “Свети Климент Охридски” . 

-       Сите гости кои што ќе го посетат нашиот град ќе имаат можност да проследат бесплатен музички концерт –истакна Апостолов.

 Како и минатата така и оваа година  во манифестацијата се   вклучени  голем број угостителски објекти кои своите услуги ќе ги нудат по пониски цени  од 10 до 30 % од вообичаените.

-       Одреден број на угостителски објекти кафе барови, ресторани, пицерии и  хотели кои се вклучени во манифестацијата  ќе нудат попуст на своите услуги од 10 до 30 % од своето отворање се додека трае манифестацијата. Со ова се нуди  уште една атрактивност, значи ќе имаме бесплатен концерт и промотивни цени на услугите во угостителските објекти, истакна Апостолов. 

 
“Белото лето“ во Охрид се одржува по втор пат со цел   да се овозможи пријатна забава   за охриѓани и туристите а секако и добра заработка за угостителите кои цел ноќ ќе бидат отворени за посетителите.  
 

Извор: www.ohrid.gov.mk