Градоначалникот  Никола Бакрачески  , денеска имаше  средба со поранешниот претседател на Република  Хрватска,  Стјепан  Месиќ.

На средбата , на која присуствуваа и група бизнисмени  од Хрватска, заеднички беше оценето дека   двете држави   имаат одлични  политички и економски односи  и дека е добро што Охрид  е збратимен  и има добра соработка со неколку градови од Хрватска .

- Со господинот Стјепан  Месиќ , разговравме за повеќе прашања од областа на политиката и дипломатијата , особено за темите поврзани со евроатланските интеграции на Република Македонија . Разменивме  мислења и околу унапредување на соработката на Охрид со градови од Хрватска и заедничко аплицирање за проекти кои би се финансирале од фондовите  на Европската унија . Морам да потенцирам дека е чест да се разменат мислења со човек кој има огромно искуство како политичар и дипломат и толку многу го сака Охрид. - истакна градоначалникот Никола Бакрачески.

Поранешниот претседател на Република Хрватска Стјепан Месиќ рече дека со секое негово доаѓање , Охрид му станува се поубав и се попривлечен. „ Од моето прво доаѓање во Охрид во 1967 година , кога како претседател на Општина Орешица , предводев стопанска делегација , потоа последната седница на претседателството на поранешната СФРЈ  и неколкуте  посети како претседател на Република Хрватска , па се до денес , овој свет град  секогаш кај  мене побудува посебни чувства – рече  Месиќ , по средбата со градоначалникот Бакрачески.

Извор: www.ohrid.gov.mk