Врз основа на член 50, став 1 од Законот за локалната самоуправа („Службен весник на Република Македонија“ бр 5/02) Градоначалникот на општина Oхрид објавува

КОНКУРС
за доделување стипендии на талентирани ученици од општинските основни и средни училишта на подрачјето на Општина Охрид за учебната 2014/2015 година

          Општина Охрид за учебната 2014/2015 година ќе додели 15 (петнаесет) стипендии за талентираните ученици од VIII и IХ  одделение од општинските основни училишта на подрачјето на општина Охрид и 20 (дваесет) стипендии за талентирани ученици  од II, III и IV година во општинските средни училишта, на подрачјето на општина Охрид.

Услови за доделување стипендии

Право на стипендија имаат кандидатите кои учат во општинските основни  и средни училишта на подрачјето на општина Охрид, а ги исполнуваат следниве услови:

1. да се редовни ученици
2. да освоиле награди за поединечно освоено I, II или III место на државен или меѓународен натпревар во областа на науката, техниката, културата и уметноста
3. да оствариле континуиран  одличен  успех во текот на школувањето од VI одделение па нагоре за основците и од I година па нагоре, за средношколците
4. да не се корисници на стипендија или кредит од други институции или фирми.

Начин на пријавување

Учениците кои се пријавуваат по конкурсот, треба да го  пополнат потребниот образец  за пријава поставен на интернет страната  www.ohrid.gov.mk.
Со Пријавата потребно е да ги достават следните документи:

1. потврда дека е редовен ученик ;
2. фотокопии од свидетелствата;
3. фотокопии од дипломи од освоени награди на натпревари од областа на науката, техниката, културата и уметноста;
4. извод на родени;
5.  потврда за висината на примањата на членовите на семејството на ученикот и тоа: ако се вработени, потврда за висината на платите на членовите на семејството на ученикот; за членовите пензионери на семејството на ученикот - испратница од пензија за последниот месец (оригинал) а за невработените членови на семејството на ученикот- потврда од  Агенцијата за вработување дека се невработени или примаат паричен надоместок; (оригинал)

1. изјава потпишана од родител/старател дека доставените документи се вистинити и дека ученикот  не е корисник на друга стипендија или кредит од друга институција или фирма, објавена на интернет страната www.ohrid.gov.mk,

Висината на стипендијата

Висината на стипендијата ќе изнесува 1500,00 денари месечно за девет месеци во текот на  учебната  2014/2015 година.

Рок на пријавување

Потребните документи кандидатите треба да ги достават  најкасно 15 дена од денот на објавувањето на Конкурсот на адреса: Општина Охрид  ул.,, Димитар Влахов“  бр. 57 – Охрид , во затворен коверт со назнака „За Комисијата за спроведување на Конкурсот за доделување ученички стипендии“ 

Документите на кандидатите кои се некомплетни и ненавремено доставени нема да бидат разгледувани.

ПРИЈАВА... (pdf)

 

Извор: www.ohrid.gov.mk