Градоначалникот ,Никола Бакрачески вечерва во Охрид  присуствуваше  и се обрати  на  промоцијата на книгата  „ Подводна и хипербарична медицина“ од    д-р Горан Балевски.

 Во своето обраќање пред бројните охриѓани во големата сала при општина Охрид, градоначалникот Бакрачески, истакна.

Она што го краси Горан и како човек и како доктор и како спортист, рекреативец, нуркач е содржано во неговото битие. Во овие 35 години пријателство и другарување со Горан можам да констатирам и да ве уверам на сите вас во едно,  дека се што  постигнал во  неговиот  животот е плод на неговиот сопствен труд, плод на неговата јасно дефинирана љубов кон нештата, било да е тоа медицината, нуркањето или оние општествени вредности кои го красат еден човек, семејството , пријателите, другарите и сето она што го чини живеењето во овој град. Сето тоа го постигнува врз основа на неговата јасно дефинирана љубов , врз основа на неговата посветеност во она кон кое ќе се насочи, врз основа на неговата јасно дефинирана цел и врз основа на истрајноста која што ја вложува во постигнување на  целите и резултатите од неговиот труд. Ова пионерско дело, велам пионерско затоа што според моите сознанија е прво од ваков вид во Р. Македонија сигурно дека силно ќе го задолжи градот Охрид и граѓаните .Горан, неизмерно ти благодарам за сето она што му го подари на градот Охрид на моите пријатели , твоите другари, твоите колеги кои што претпоставувам дека се приближно толку горди колку што е вечерва гордо твоето семејство. Охрид ти е неизмерно благодарен за твоето дело-  подвлече  во своето обраќање  градоначалникот Бакрачески.

Книгата која е издадена на македонски и англиски јазик  ја презентираа проф. Д- р Здравко Тројачанец и Милутин Секулоски.

Извор: www.ohrid.gov.mk