Градоначалникот Никола Бакрачески, присуствуваше на отворањето на конференции од меѓународен карактер што од синоќа до недела се одржуваат во Охрид. Станува збор за “1-от Македонски“ и “4-от Јадрански Конгрес за фармакоекономија и исход од терапија“ и “Третиот балкански и меѓународен конгрес за максилофацијална хирургија“.
-Уверен сум дека одржувањето на двата конгреси во исто време ќе ја потврди определбата за продлабочување на започнатиот интегративен пристап во фармакоекономијата и унапредување на регионалните иницијативи за соработка .Од бројните научни и стручни трудови и презентации, сигурен сум дека ќе произлезат нови сознанија и успешни практики кои ќе можат да се применуваат во фармакоекономијата, рече градоначалникот Бакрачески поздравувајќи ги учесниците на “1-от Македонски“ и 4-от Јадрански конгрес за фармакоекономија“ што се одржува во хотелот “ Инекс“- Горица.
Градоначалникот Бакрачески синоќа ги поздрави и максилофацијалните специјалисти учесници на “Третиот Балкански и меѓународен конгрес за максилофацијална хирургија“ што се одржува во хотелот “Метропол“. На хирурзите од САД, Италија, Шпанија, Турција, Германија, Србија, Хрватска, Бугарија Словенија, Чешка , Романија, Грција, Албанија и Македонија, градоначалникот Бакрачески им посака успешна работа со желба да прошетаат низ Охрид и да ги видат неговите убавини кои повторно ќе ги донесат кај нас.
-И покрај научните предизвици и напорната работа кои ве очекуваат наредниве денови, не заборавајте да ги видите убавините на Охрид кои сум сигурен дека ќе останат запечатени во вашата меморија и секогаш ќе ве поттикнуваат да се враќате кај нас. Совршениот склоп од традиционалното и модерно време, специфичното културно и археолошко богатство го прави Охрид привлечен во секој период од годината а наша заложба е постојано да ја збогатуваме туристичката понуда во која особено место зазема конгресниот туризам како и напорите да го развиеме здравствениот туризам, истакна Градоначалникот.
Одржувањето на вакви случувања од меѓународен карактер се особено значајни за понатамошниот успешен развој на туризмот во Охрид.
Извор: www.ohrid.gov.mk |
