|
Охрид е безбедно место за сите туристи а политичките лидери во земјава
итно да ја разрешат политичката криза во Македонија која има
влијание врз туризмот, порачаа од Охрид градоначалникот Никола Бакрачески и
амбасадорот на кралството Холандија во Р. Македонија, Вилем Воутер Пломп кој
е во еднодневна посета на нашиот град.
- Се надеваме дека бројот на холандски туристи ќе го прати
растечкиот тренд кој што го имаме изминативе години и од година во година ќе
биде се поголем и поголем и тоа е јасна порака не само до граѓаните на
Холандија туку и на сите евроспки држави, дека градот Охрид се движи
во вистинска насока и дека ова е безбедно место кое што Унеско го препозна
пред многу години како светско културно и природно наследство,
изјави градоначалникот на Охрид,Никола Бакрачески
Амбасадорот Пломп ги повика холандските гости без размислување да патуваат
за Македонија и да го посетат убавиот Охрид. Притоа тој изрази уверување
дека политичките лидери во земјава ќе донесат одлуки,
прифатливи за македонските граѓани, кои како гласачи секако ќе го имаат
последниот збор.
- Дефинитивно ги повикувам холандските гости да продолжат да доаѓаат
во Македонија, а во исто време ја повторувам мојата порака но и порака од
министерот од минатиот понеделник во Брисел, која се однесува до
политичките лидери во Скопје да изнајдат решение за политичката криза и итно
да продолжат со приоритетните реформи, изјави холандскиот
амбасадор Пломп.
Градоначалникот Бакрачески и холандскиот амбасадор Пломп , положија цвеќе
на споменикот на познатиот холандски писател и новинар, вљубеникот во
Охрид, А. Ден Долард.
-Знаете дека уште во далечната 1939г со својот роман “Свадба на
седумте цигани”А. Ден Долард , ја опиша на најдобар можен начин убавината на
Охрид и на овој крај, којшто на некој начин беше основен придивижувачки
момент за развој на туризмот во Охрид, за привлекување на холандските
туристи. Тоа е во најголем дел заслуга на она што Ден Долард со љубов го
опиша за градот Охрид. Упатувам јасна порака до холандските туристи кои што
престојуваат во градот и оние кои во иднина ќе дојдат во Охрид , да се
чувствуваат тука како да се во свој град , да се чувствуваат безбедно и пред
се присутноста на Амбасадорот денес е еден од начините да се промовира
градот , не само во Холандија туку и во цела Европа, истакна
градоначалникот Бакрачески.
Амбасадорот Пломп се заблагодари за пречекот и остварената средба со
градоначалникот Бакрачески како и за добриот пречек на холандските
туристи кои се веќе во Охрид.
-Ова е голема чест за мене што сум тука на ова историско место за
холандскиот писател, новинар и патувач А. Ден Долард. Мислам дека Ден Долар
е многу познат во Македонија, можеби поради три причини. Прво мислам дека
тој е најголемиот Амбасадор во Македонија од Холандија и Западна Европа. Тој
донесе многу туристи во Македонија во 70те години а тоа се случува и во
последниве години повторно во убавиот Охрид но и Македонија. Втората причина
поради која тој беше познат е што беше независен новинар. Тој
патуваше насекаде во земјите , посебно на Балканот. Беше критички новинар.
Третата причина поради која би го споменал е тоа што беше голем планинар.
Беше патувач, планинар , вљубеник во природата. Сакаше да гледа како
туристите во Македонија уживаат во големата природна убавина, посебно
во Охрид .Токму Ден Долар е најзаслужниот за големиот број холандски
туристи кои доаѓаат во Охрид изминатите години но и сега,
истакна амбасадорот Пломп.
Од страна на двајцата соговорници беше искажано очекувањето за
зголемување на бројот на холандски туристи во Охрид, она што во континуитет
се случува до денес.
Извор: www.ohrid.gov.mk |
