Градоначалникот нa Охрид, Никола Бакрачески ќе учествува на  Третиот глобален состанок на официјалните делегации на членките на Европската мрежа на езера  што утре ( 28 мај) се одржува во   Исео – Италија како дел од  фестивалот на  европски  езера.

Во  текот на утрешниот ден градоначалникот Бакрачески ќе има  работна средба   и со  партнерите  од Проектот LAKTIVE TOURISM, во кој Општина Охрид е значаен партнер.
Овој европскиот партнерски проект на 5 европски држави, членки на Европската мрежа на езера (Италија, Словенија, Шпанија, Ирска и Македонија- Општина Охрид), како и два туроператори и една асоцијација на сениори е финансиран од COSME Програмата на Европската Комисија и започна со имплементација во Април 2016 година. Проектот ќе трае 15 месеци. Главната цел  е продолжување на туристичката сезона со  целна група на туристи - сениори (над 55 години), креирање на специфични туристички производи и туристички пакети, кои ќе бидат наменски развиени за секоја дестинација.
Општина Охрид е редовна членка на Европската мрежа на езера од 2014 година.

Извор: www.ohrid.gov.mk