Делегација на општина Охрид предводена од градоначалникот, Никола Бакрачески, ќе учествува  на Шестото издание на Фестивалот на европските езера  што од 29 мај до 2 јуни  се одржува  во Исео, Италија како и на вториот глобален состанок на официјалните делегации од членките на Европската мрежа на езера што  на 30 мај се одржува во овој италијански град

Антонио Балески од Секторот за туризам и локален економски развој на денешната средба со новинарите  се осврна на годинешната програма на фестивалот.

-Фестивалот на европските езера  годинава ќе трае четири дена и во него  ќе бидат промовирани 50 различни настани кои се однесуваат на различни аспекти на живеењето на езерата. Во рамки на фестивалот ќе има музички концерти, изложби на фотографии, како и дегустација на традиционални јадења од Исео  Италија, како и други региони, посочи Балески,  подвлекувајќи  дека  како резултат на унапредувањето на соработката на  општина Охрид со Европската мрежа на езера   се создадоа услови за заеднички европски партнерски проекти.
- Еден од тие проекти е европскиот музички проект “Oркестар на 100 млади музичари”. Следува реализација на втората фаза од Проектот во соработка со Музичкото училиште “Методи Патче” од Охрид- додаде Балески.

Директорката на ОМУ „Методи Патче“, Нина Момироска истакна дека е гордост да се учествува и да се биде дел  од    втората фаза од проектот “Оркестар од 100 млади музичари”. Проектот ќе биде реализиран со концерт во Милано на 6 јуни годинава  на кој Охрид ќе го претстават тројца млади музички таленти.      

-Навистина е чест да се биде дел од овој проект. Во него се опфатени  100 музички таленти од Европа, поточно од четири музички училишта. Нашето основно музичко училиште „Методи Патче“ од Охрид е единствен претставник од Македонија.  На концертот ќе   настапат и ученици од училиштето „Јосип Словенски“ од Белград, музичката школа „До ре ми“ од Блед и музичката школа “Де гарде“ од  Италија. Проектот започна со музички камп во Белград во 2014 година. На 6-јуни годинава  нашите ученици млади виолинисти , Даниел Мојсоски, Александар Грунчески и Бајрам Рамаданоски ќе настапат на концерт во Милано. Проектот потоа ќе продолжи во месец август- истакна  директорката Момироска.    

Со учеството на Охрид во меѓународни асоцијации и реализација на меѓународни проекти се настојува промоција на градов  во меѓународни рамки  што би значело и привлекување на повеќе странски туристи.

Извор: www.ohrid.gov.mk