Градоначалникот на Охрид, Никола Бакрачески  упати честитки до сите припадници на влашката етничка заедница во Охрид и Република Македонија по повод 23 Мај – Националниот ден на Власите.

-Ми причинува задоволство да истакнам дека со одбележувањето на овој празник  се уважува големиот, културен и општествен придонес на влашката заедница. Нивната култура, традиции и обичаи си имаат  свој дел, своја улога и своја историја инкорпорирани со историјата и културата на   Охрид и   Република Македонија. Вредностите кои ги негуваат Власите  претставуваат значаен дел во севкупните заложби за зачувување на вредностите на нашето општество, како и негување на толеранцијата  и соживотот помеѓу сите  наши граѓани.
Денешниот празник е уште една можност да ја одбележиме и прославиме долгата традиција на соживот и заедништво која ја имале луѓето и етничките заедници кои во минатото и денес живеат на овие простории на Македонија. Нека ваквите празници бидат повод за заедничка заложба за зацврстување на благосостојбата и просперитетот  на нашата држава, стои  во честитката на градоначалникот Бакрачески по повод 23 Мај- Националниот ден на Власите. 

Извор: www.ohrid.gov.mk