Екипи на Јавното претпријатие “Охридски комуналец“, од утрово работат на чистење на  отпадот  што   брановите  го  исфрлија на езерскиот кеј  по дводневното невреме проследено со силни врнежи од дожд и снег што го зафати охридскиот регион. 
Екипи од секторот за јавна хигиена  при ЈП “Охридски комуналец“ денес ја  чистат    исфрлената  пластична , картонска ,најлонска амбалажа и друг вид отпад. Директно од езерските води се  собира отпадот, а кејот се мети.  

Во текот на денешниот ден  оперативна група од “Охридски комуналец“  е  задолжена за отстранување на остатоците од снег по градската чаршија.     
  Се отстрануваат искршените гранки во близина на маркетот “Рамстор“ а навреме се санираат и останатите оштетувања низ охридската чаршија.

 Екипи на ЈП “Охридски комуналец“ денес  работат  и на отстранување на искршените гранки од дрвјата  во стариот дел од градот, по патеката која ги поврзува месноста Кошишта со Горна Порта каде има  оштетувања на  оградата и клупите.

 Во изминатите два дена екипи на ова охридско претпријатие  работеа на  расчистување на тротоарите по целата должина на улицата  „Булевар Туристичка„ и другите позначајни сообраќајници во гадов.
По претходно  барање од Урбаната Заедница од с. Вапила, изминатиов викенд ЈП “Охридски Комуналец“  реализира и акцијата за отстранување на скршени гранки и стебла на  патниот правец Косел –Вапила –Ливоишта.

Повеќе...

Извор: www.ohrid.gov.mk