Спортскиот центар „ Билјанини Извори “ со својата инфраструктура и оваа година е еден од најинтересните центри за одржување на припреми за спортските клубови од регионов а и пошироко. Доказ за тоа се припремите на професионалните клубови кои се натпреваруваат во највисок ранг.

Од денеска 12.07.2016 година на терените на припреми допатува ракометниот двократен првак и учесник во лигата на шампиони на Украина во ракомет екипата на Мотор Запорожје.Тренерот на екипата Степанетс Николај  после првиот одржан тренинг на екипата на атлетската патека на стадионот е многу задоволен од условите и терените кои му стојат на располагање. Тој заедно со својата екипа за прв пат доаѓаат во Охрид и се надеваат дека Охрид од сега ќе им биде таргет место за одржување на припреми на својата екипа пред големите настапи кои ги очекуваат во домашното првенство и Еврокуповите.

Покрај оваа екипа на терените на СРЦ „ Билјанини извори “  тренираат и фудбалските екипи на „ Ренова “ - Тетово и екипата на Македонија Ѓорче Петров - Скопје, а до крај на месецот и во Август се очекуваат да пристигнат фудбалските екипите на Тирана и Партизани од Албанија и екипата на Приштина од Косово.

Извор: www.ohrid.gov.mk