Градоначалникот,   Никола  Бакрачески денеска оствари работна  средба со амбасадорот на кралството Холандија во Р. Македонија,  Вилем Волтер Пломп кој денеска престојува во  Охрид.

На   состанокот што се одржа во кабинетот на Градоначалникот  се разговараше за Стратегијата за развој на Охрид со акцент на туризмот при што беа разгледани аспектите и моделите кои битно влијаат на туристичкиот раст и развој на градот.

Градоначалникот Бакрачески истакна дека воспоставувањето на директните авио линии од и до охридскиот аеродром „Св. Апостол Павле“ како и инфрструктурните проекти пред се изградбата на автопатот до Охрид што е во тек битно влијаат за  зголемување на бројот на странски туристи кај нас меѓу кои најбројни се Холанѓаните.

На средбата стана збор  и за управувањето со водите при што  од страна на градоначалникот Бакрачески беше истакнато дека особено е значајно да има целосна реконструкција на колекторскиот систем како од  македонска така  и од албанската страна на езерото. Притоа амбасадорот Пломп  изрази уверување за холандска поддршка на напорите кои ги прави Општина Охрид  за заштита на Охридското Езеро.

Амбасадорот Пломп  беше информиран и за економскиот развој на Охрид при што градоначалникот Бакрачески посочи дека до деведесеттите години на минатиот век главна стопанска гранка во Охрид била индустријата,  а  неколку години наназад, општината  е  силно посветена на развој на туризмот како главна стопанска гранка  која ќе го поттикне развојот на другите гранки , локална агрономија, трговија, прехранбена индустрија.
На средбата беше подвлечено  дека Охрид ги има сите предуслови за развој на туризмот, а она што во моментов е најпотребно е поголема туристичка промоција и маркетинг на Охрид.

Извор: www.ohrid.gov.mk