Градоначалникот Никола Бакрачески денес  во Националната Установа Библиотека „Григор Прличев“, присуствуваше на  одбележувањето на 200 годишнината од раѓањето на хрватскиот великан од 19-от  и почетокот на 20-от  век, Јосип Јурај – Штросмаер. 

За македонскиот народ Штросмаер е особено значаен затоа што се залагал за издавање на капиталното дело „Зборникот на Миладиновци“со што започнува големата македонска преродба.
За животот и делото на Штросмаер,  зборуваа амбасадорот на Р. Хрватска во Р. Македонија   проф. д-р Златко Крамариќ и директорката на библиотеката Александра Белевска.

Штросмаер е личност од енциклопедиски формат, но неговото дело е особено важно во три области, тој е  хрватски бискуп, доктор по теологија,  политичар, лидер на Народната партија и  истакнат културен деец.

Извор: www.ohrid.gov.mk