Градоначалникот, Никола Бакрачески денеска направи увид на завршните  активности за уредување на  кружниот тек на пресекот од булевар  „Туристичка“ и улица  „Македонски Просветители“.

Во моментов  екипи на  ЈП „Охридски Комуналец“ работат на хортикултурно уредување на големиот -примарен  кружен тек , по што ќе се уредува и малиот секундарен.
Претходно на овој простор поставена е нова атмосферска канализација,поставен е двослоен асфалт.  Завршено е и обележувањето и поставена е заштитна ограда.

Со изградбата на овој двоен кружен тек, Охрид го добива третиот новоизграден кружен тек од вкупно предвидените пет.  Во тек на градба е кружниот тек на пресекот на булевар  „Туристичка“ со „Абаз Емин“ а во наредниов период треба да започне изградбата  и на кружниот тек на „Туристичка“ со „Јане Сандански“.    

Извор: www.ohrid.gov.mk