Волонтери од Црвен крст Охрид, во рамки на програмата на грижа за стари лица, со поддршка од општина Охрид, вечерва на малиот плоштад кај Мини Маркет одржаа литературно читање.

Преку интерпретациите на поетски творби на повеќе јазици, тие испратија порака за вреднување на разновидноста на културите и толеранцијата, взаемната доверба и разбирање, почитта и вниманието кон старите лица.

Црвен крст Охрид веќе една година, со поддршка на Локалната самоуправа, реализира програма на грижа за стари лица која опфаќа најразлични форми на грижа, помош и поддршка на стари лица со различен социо-економски статус, од општините Охрид и Дебарца.

Извор: www.ohrid.gov.mk