По повод 16. Октомври, Светскиот ден за борба против гладта, кој годинава се одбележува под мотото „ Помислете и на нас“ , денеска во општинската организација на Црвен Крст , заменик градоначалникот Ангел Јанев, подели 60 хуманитарни пакети за социјално најзагрозените граѓани. Во хуманитарната акција, што ја спроведува Црвен Крст со подршка на Локалната самоуправа, вчера се вклучи градоначалникот Никола Бакрачески, кој заедно со најблиските соработници во маркетот „Тамаро“ , купи прехрамбени и производи за одржување хигиена, кои се дел од хуманитарните пакети.

Во рамките на Неделата за борба против гладта која трае од 16 до 22 октомври, општинскиот Црвен Крст, ја продолжува акцијата за собирање хуманитарна помош.Покрај собирните пунктови, Црвен Крст има пуштено во продажба и купони  во вредност од 20 денари. Од собраните средства ќе бидат купени продукти за дополнителни хуманитарни пакети за помош на најзагрозените семејства во социјален ризик.

Извор: www.ohrid.gov.mk