Во рамки на новогодишните активности,  а во знакот на  предвидените мерки за социјална  заштита и грижа, денес  Општина Охрид, во соработка со Општинската Организација на Црвен Крст, во просториите на ДУТУ “Ванчо Питошески“ организираа новогодишен ручек и забава за ранливите категории лица од Охрид.
Во име на   Општина Охрид , новогодишните празници на оваа категорија луѓе им  ги честита Претседателката на Совет , Гордана Коњаноска, посакувајќи им добро здравје, семејна хармонија и решавање на социо- економскиот проблем во 2014 година.

- Големо е задоволството да бидам дел од ова дружење и настан кое што се организира во насока на тоа сите заеднички да ја почувствуваме магијата на празниците кои што доаѓаат , да обезбедиме моменти на релаксираност  и радост, моменти во кои за миг ќе заборавиме на она што ни се секојдневни грижи , рече Коњаноска потенцирајќи дека новото Локално раководство неуморно работи на создавање услови за  подобрување на економскиот статус на охриѓани.  

- Локалната самоуправа е со постојана тенденција суштински да ги решава проблемите на сите ранливи категории односно на сите единки од нашето општество  и тоа е во насока на подобрување на економскиот амбиент, отворање на нови работни места  а со тоа суштинско решавање на проблемите кои што ги тиштат овие категории луѓе,   истакна  Коњаноска.   

На радост на најмладите ,Коњаноска  заедно со Секретарот на Општината, Димитар Спасески и директорите на неколку јавни претпријатија, доделија новогодишни пакетчиња. Во знакот на новогодишните празнувања дружењето продолжи со Дедо Мраз кој ги забавуваше, играше и пееше со децата кои присуствуваа на случувањето.  

Извор: www.ohrid.gov.mk