Претставници  на  познатата   компанија   „Fish and chips“, од Турција  предводена од директорот  Левент Ерсој на  денешната средба со  Градоначалникот на Охрид Никола Бакрачески , најавија дека се заинтересирани за инвестирање во Охрид.

            Гостите  од Турција го информираа градоначалникот Бакрачески дека бараат погодни локации   за  изградба  на  големи   Аутлет-  шопинг центри кои би се  граделе на излез  од градот  во близина  на регионалниот пат Охрид Кичево,  како и површини  на  крајбрежјето    погодни за  изградба  на   викендици и аква паркови. На средбата гостите покажаа интерес  и за руинирани објекти сместени на атрактивни локации  кои  со реновирање би   биле  привлечни  хотели.

Потенцијалниот инвеститор на средбата меѓу другото истакна   дека  се интересира и за земјиште  за изградба на овоштарници и ладилници како и дека сакаат  под закуп да земат објект кој би се наоѓал на атрактивна локација  долж крајбрежјето во кој би се продавале  риба и рибни производи по прифатлива цена.

            Во текот на едно неделниот престој во Р. Македонија , потенцијалниот инвеститор од Турција во Охрид  ќе се задржи пет дена. Тие  во  придружба на претставник од општина Охрид  попладнево ги разгледуваа можните локации  за инвестирање.      

Извор: www.ohrid.gov.mk