На Античкиот театар, вечерва градоначалникот Никола Бакрачески,  присуствуваше на свеченото отворање на 56-тото издание на фестивалот Охридско лето.

На првата фестивалска вечер настапи познатата оперска дива Елина Гаранча од Латвија,заедно со оркестарот на Македонската опера и балет,под диригенство на Ион Марин од Австрија.

Во рамките на програмата на овогодинешното фестивалско издание ќе бидат застапени преку 50 музички настани, девет театарски претстави, пет изложби и осум филмови од богатата кинематографска ризница на најстарата продуцентска куќа во нашата држава, „Вардар филм“. На фестивалот ќе се одржат низа ексклузивни музички настани како што се концертите на виолинистите Максим Венгеров, Вадим Репин, Роман Симовиќ, пијанистите Фазил Сеј, Ана Винитскаја и концертот на легендарниот џез музичар Артуро Сандовал кој има освоено 10 Grammy награди, 6 Billboard награди и една Emmy награда.

По завршувањето на првата фестивалска вечер се одржа заедничко дружење на уметниците, официјалните гости и претставници на јавниот живот од Охрид и Република Македонија.

Извор: www.ohrid.gov.mk