![](http://ohrid.gov.mk/pictures/OhridskiPlivackiMaraton_2015_4852.jpg)
Евгениј Поп Ацев е победник на 29-иот Охридскиот пливачки маратон. Тој патеката „Климе Савин“ од Свети Наум до Охрид во должина од 30 километри ја исплива за 5:39:42 часа. Поп Ацев е првиот македонски пливач што победува на маратонот во изминатите 29 изданија колку што маратонот е на „Гран-при“ програмата на трки на отворени води на Светската пливачка федерација.
![](http://ohrid.gov.mk/pictures/OhridskiPlivackiMaraton_2015_4853.jpg)
![](http://ohrid.gov.mk/pictures/OhridskiPlivackiMaraton_2015_4854.jpg)
Првото место во женска конкуренција и припадна на Алиса Франко од Италија, која патеката ја преплива за 5:44:03 часа.
![](http://ohrid.gov.mk/pictures/OhridskiPlivackiMaraton_2015_4855.jpg)
Победникот на Охридскиот пливачки маратон, покрај паричната награда, ќе добие и 15 бода на своето конто, второпласираниот 11, третиот 9. Тоа значи дека Поп Ацев со победата во Охрид избива на првото место во генерален пласман со освоени 38 бода и со големи шанси да биде победник во оваа сезона затоа што до крајот на оваа „Гран-при“ серија останува уште маратонот Капри - Неапол.
![](http://ohrid.gov.mk/pictures/OhridskiPlivackiMaraton_2015_4856.jpg)
Во успешната организација на Охридскиот пливачки маратон голем придонес има општина Охрид која како минатата така и оваа година застана зад целосната техничка организација поради што маратонот ги доби највисоките оцени во светски рамки.
![](http://ohrid.gov.mk/pictures/OhridskiPlivackiMaraton_2015_4857.jpg)
![](http://ohrid.gov.mk/pictures/OhridskiPlivackiMaraton_2015_4858.jpg)
![](http://ohrid.gov.mk/pictures/OhridskiPlivackiMaraton_2015_4851.jpg)
Извор: www.ohrid.gov.mk |