По повод празникот Курбан- Бајрам, градоначалникот Никола Бакрачески упати честитка до сите граѓани од муслиманска вероисповед.

-Најискрено Ви го честитам големиот верски празник Курбан-Бајрам и Ви посакувам да го поминете во празнична атмосфера, да имате добро здравје, среќа, слога и бериќет  во Вашите семејства.
Празнувањето на Курбан- Бајрам е славење на солидарноста, хуманоста и грижата кон најблиските, потсетник за секој исламски верник за правење на добри дела, за почитување на семејството, соседите и пријателите, за грижа кон оние на кои им е најпотребна помош и подадена рака, за разбирање, за смиреност и толеранција. Тоа се вредности, кои се присутни во секоја религија и претставуваат пример за потребното човечко однесување и за вистинските морални вредности. Курбан-Бајрам е празник  на кој, во атмосфера на  меѓусебно почитување и разбирање се слават добрата мисла и добрите дела, вредности кои придонесуваат за реален соживот  и  просперитетот на нашето општество- се вели во честитката на градоначаникот Никола Бакрачески, по повод верскиот празник Курбан- Бајрам. 

Извор: www.ohrid.gov.mk