Претседателката на Советот на  општина Охрид , Живка Ангелоска    и секретарот на општина Охрид, Игор Бежоски присуствуваа на свеченоста што по повод  Денот на крводарителството се одржа  денес во просториите на Црвен Крст.

Претседателката Ангелоска  му  врачи  благодарница  на охридскиот крводарител Борче Матески за педесет дарувања.

Признанија, плакети и благодарници беа доделени и на други повеќекратни крводарители, поединци, фирми и  институции кои придонесле за развој и унапредување на крводарителството во Охрид и Дебрца.