Градоначалникот на Охрид Никола Бакрачески  денеска оствари протоколарна средба со амбасадорот на САД во Република Македонија ,Пол Волерс.

 Почесниот гостин интересирајќи се за актуелните состојби и случувања  во Охрид, истакна дека  градов е  еден од најубавите  во светски рамки во кои престојувал  досега и дека повторно и  секогаш би се враќал тука. За него и неговото семејство убавата клима, езерото и културно- историските споменици секогаш го прават посебен Охрид  и токму затоа тоа е местото на кое ги повикувале  да престојуваат и своите пријатели.

Притоа  градоначалникот Бакрачески и амбасадорот Волерс   се сложија дека на Охрид му недостига по агресивна маркетиншка кампања , всушност она  за што  консултанти  од  Универзитетот од Пенсилванија му укажале  на градоначалникот Бакрачески , дека на Охрид не му недостига ништо освен поагресивна маркетиншка  кампања.
 Градоначалникот  Бакрачески го запозна амбасадорот Волерс   со бројот на холандските туристи кои  последниве години се враќаат на ривиерава а кои доаѓаат организирано со 5 до 9 чартер летови, како и тоа дека е зголемен бројот на туристи од Турција , но и од Полска и од земјите на Бенелукс.

Амбасадорот пројави интерес и околу финансиската кондиција на Општина Охрид и долговите кои генерално му беа познати  за што повеќе детали доби од градоначалникот  околу наследениот  долг, колку буџети треба да се вратат како и тоа дека дневната камата  по основ на  долгови е  околу 14 500 евра.
 Во делот на индустрискиот развој на Охрид  стана збор за  новата индустриска зона  кај “Мауцхер“ што  се гради со буџетски средства од Општина Охрид. Градоначалникот укажа и на     тоа дека Општината остварила  контакти со канадска компанија од сферата на компјутерската  индустрија  како и тоа дека во финална фаза е подготовката на документацијата околу нивната инвестиција.  
 Амбасадорот на заминување, Пол Волерс вети дека и понатака ќе биде чест гостин на Охрид. 

Извор: www.ohrid.gov.mk