Вечерва, со почеток во 21.00 часот, градоначалникот Никола Бакрачески ќе го стави во употреба повеќенаменското спортско игралиште кое се наоѓа во населбата Лескајца наспроти детската градинка. Игралиштето е опремено со детски реквизити, кош кој е поставен на површина која има заштитна гумена подлога и мини фонтана. Паркот кој е во рамки на игралиштето е хортикултурно опремен. Пристапните патеки кои водат до игралиштето се поплочени со бехатон плочки, а теренот е комплетно асфалтиран.  

Ова повеќенаменско спортско игралиште е дел од програмата на градоначалникот Никола Бакрачески, според која на овој потег беше планирана изградба на игралиште од ваков тип и истото е целосно финансирано од буџетот на општина Охрид.

Извор: www.ohrid.gov.mk