Бизнис делегација од Катар од областа на градежништвото доцна попладнево беше во официјална работна посета на Општина Охрид.

 Катарските гости предводени од претседателот на градежната компанија “Рамко“,г. Анвар Ал Кавасми и регионалниот менаџер Кхалдун Езудин,  ги примија заменик градоначалникот на Охрид, Ангел Јанев, претставници од Секторот за туризам и локален  економски развој и од Секторот за урбанизам при Општина Охрид.
На работната средба гостите  добија податоци за Охрид по што  пред нив беа презентирани и неколку локации погодни  за изградба на хотелски капацитети . Гостите  беа информирани и за проектот   што се однесува на скијачкиот центар  а кој  се планира да се гради на  планината Галичица.

 Инаку, компанијата  “Рамко“ е една од водечките компании во Катар, односно холдинг кој има 32 компании во земјата и во странство со промет од над 800 милиони долари.
Компанијата  особено е заинтересирана  за инвестирање во хотели со пет ѕвезди.
Со претставници од Секторот за  туризам и локален економски развој , гостите од Катар  ќе ги разгледаат понудените локации  во Охрид погодни за изградба на хотелски капацитети.  

Извор: www.ohrid.gov.mk