![](http://ohrid.gov.mk/pictures/Dennaidei2015_48511.jpg)
Како дел од отчетното, транспарентно и одговорно работење на градоначалникот Никола Бакрачески, а во рамки на своите заложби за активна партиципација на граѓаните во процесот на креирање на политики, општина Охрид денеска на плоштадот „Св. Климент Охридски“ организира „Ден на идеи“.
![](http://ohrid.gov.mk/pictures/Dennaidei2015_48510.jpg)
Градоначалникот Бакрачески заедно со директори од охридските јавни претпријатија, раководители на сектори и одделенија и стручни лица од службите на општина Охрид ги слушаше идеите , предлозите или сугестии кои им ги даваа охриѓани а најдобрите од нив ќе бидат инкорпорирани во идните програми за работа на општина Охрид.
- На мое задоволство, одзивот на граѓаните е добар. Тие доаѓаат тука ги изнесуваат своите идеи и на тој начин активно допринесуваат во градењето на подобар Охрид и стануваат партиципиенти во идните програми на општината за уредување на градот, во комуналната, сообраќајната сфера, во делот на урбанизмот, културата, туризмот, спортот и сите области од секојдневното живеење на градот. Тоа е еден од начините за отчетно и транспарентно работење кое ние го етаблиравме уште од почетокот на нашиот мандат и од кое што не размислуваме да отстапиме. Ваквите средби со граѓаните и непосредните контакти со нив ќе продолжат и во иднина и се надевам дека од денешниот ден и тоа како Локалната самоуправа ќе се здобие со многу интересни идеи , предлози и замисли за тоа како во иднина треба да изгледа Охрид. По разгледувањето на доставените идеи и предлози и по проценката на можностите за имплементација и реализација на идеите и по нивното инкорпорирање во некои од програмите за работа на секторите и јавните претпријатија секако дека наша цел ќе биде истите тие иницијатори на идеи да бидат објавени. На тој начин настојуваме да ги мотивираме останатите граѓани да добијат инспирација и активно да партиципираат во градењето на подобар Охрид заедно со службите на Локалната самоуправа- изјави градоначалникот, Никола Бакрачески.
![](http://ohrid.gov.mk/pictures/Dennaidei2015_4852.jpg)
Слични средби со граѓани преку кои тие активно ќе учествуваат во креирање на политики , општина Охрид ќе реализира и во наредниов период.
![](http://ohrid.gov.mk/pictures/Dennaidei2015_4851.jpg)
![](http://ohrid.gov.mk/pictures/Dennaidei2015_4853.jpg)
![](http://ohrid.gov.mk/pictures/Dennaidei2015_4854.jpg)
![](http://ohrid.gov.mk/pictures/Dennaidei2015_4855.jpg)
![](http://ohrid.gov.mk/pictures/Dennaidei2015_4856.jpg)
![](http://ohrid.gov.mk/pictures/Dennaidei2015_4857.jpg)
![](http://ohrid.gov.mk/pictures/Dennaidei2015_4859.jpg)
![](http://ohrid.gov.mk/pictures/Dennaidei2015_4858.jpg)
Извор: www.ohrid.gov.mk |