Охрид успешно се справува со снежното невреме . Од вчера
вечер и денес непрекинато се работи на расчистување на снегот од сите
јавни површини во Охрид и неговата околина.
![](http://ohrid.gov.mk/Pictures/nevreme_400.jpg)
Охридскиот градоначалник Никола Бакрачески од синоќа до утрово
активно учествуваше во расчистување на последиците од невремето кое го
зафати охридскиот регион и цела Македонија.
![](http://ohrid.gov.mk/Pictures/nevreme_4001.jpg)
Синоќа по налог на градоначалникот Бакрачески беше свикан кризниот штаб и
беа мобилизирани сите надлежни служби, јавните претпријатија и
противпожарната единица кои веднаш со своја механизација активно ги
расчистуваат градските и приградски патишта. Сите градски улици од синоќа
се чисти, но снегот кој постојано врне повторно ги покрива со снег.
Чистењето без прекин се уште трае.
![](http://ohrid.gov.mk/Pictures/nevreme_4002.jpg)
Синоќа градоначалникот Бакрачески ги посети и сите здравствени институции
во Охрид, Општата Болница, Специјалната болница за ортопедија и
трауматологија “Св. Еразмо“ и Заводот за кардиоваскуларни заболувања во
Охрид, кои работат непречено и сите пациенти се добро згрижени.
![](http://ohrid.gov.mk/Pictures/nevreme_4003.jpg)
Синоќа механизација од општина Охрид беше вклучена во расчистување на
патот кон превојот Пресека. Во конвојот беше и градоначалникот
Бакрачески кој се вклучи во расчистување на патот и евакуација на
лицата кои се наоѓаат во завеаните возила.
![](http://ohrid.gov.mk/Pictures/nevreme_4004.jpg)
![](http://ohrid.gov.mk/Pictures/nevreme_4005.jpg)
![](http://ohrid.gov.mk/Pictures/nevreme_4006.jpg)
![](http://ohrid.gov.mk/Pictures/nevreme_4007.jpg)
![](http://ohrid.gov.mk/Pictures/nevreme_4008.jpg)
![](http://ohrid.gov.mk/Pictures/nevreme_4009.jpg)
![](http://ohrid.gov.mk/Pictures/nevreme_40010.jpg)
Извор: www.ohrid.gov.mk |