Градоначалникот Никола Бакрачески денеска  на   пригодна свеченост го стави во употреба    плоштадот  во населба Рача , што општината заедно со јавните претпријатија го градеше и уредуваше   во изминативе два месеци . Со  изградбата на плоштадот неуредениот простор во  кој дел од мештаните дури депонираа отпад  доби нов  уреден лик.

-Успеавме да направиме  плоштад во површина од околу 355 метри квадратни со додатна површина за детски реквизити. Вкупната површина е 520 метри квадратни во кои што се вградени пешачки зони  изработени од бехатон и гранитни плочи. Изработена е фонтана. Спроведени се инсталации за вода и за електрична енергија. Поставени се канделабри и  клупи. Просторот хорти културно е осмислен. Со изградбата на овој плоштад  најдено е   современо  решение за уредување на јавна површина  во оваа урбана заедница. Плоштадот е убаво катче на кое мештаните ќе се забавуваат,рекреираат и одмараат, изјави градоначалникот Бакрачески.

Во населба Рача изведена е  и нова водоводна линија  во должина од 78 метри. Истовремено е продолжен крак за снабдување со вода на фонтаната во паркот  во должина од 16 метри. При изведбата на водоводната линија извршено е и ново приклучување  на  11 домаќинства.

Проектите во Рача односно новиот плоштад и водоводната линија се дел  од ветувањата на Градоначалникот кои  по средбите со граѓаните на оваа урбана заедница беа  оценети  како приоритетни.

Надлежните  при општина Охрид со апел до Урбаните и Месните заедници да доставуваат барања за вакви или слични проекти и активности бидејќи согласно политиките на градоначалникот Никола Бакрачески, решавањето на комуналните проблеми на граѓаните треба да биде во најтесна корелација со нив.

Извор: www.ohrid.gov.mk