Градоначалникот Никола Бакрачески денеска ги прими тренерите на летната школа на фудбалскиот клуб „Барселона“ која од вчера до 27. август, ќе се одвива на терените на СРЦ „Билјанини извори“ .

На средбата, тренерите на ФК „ Барселона“ рекоа дека имаат одлични услови за работа и според првите контакти сметаат дека има многу талентирани учесници на кои ќе им ги пренесат искуствата на нивната фудбалска школа. Градоначалникот Бакрачески рече дека е задоволен што се реализира овој проект на Локалната самоуправа, кој  не само што ќе придонесе за развој на спортот, туку преку брендот на ФК „ Барселона“, Охрид ќе се промовира ширум светот.

Заеднички беше констатирано дека за следната година, ќе се искористат искуствата и дека покрај од Македонија ќе има учесници и од соседните земји.

Извор: www.ohrid.gov.mk