Со триумф на кошаркарките од Литванија над врсничките од Белорусија синоќа на терените при СРЦ „Билјанини извори“ заврши годинешното издание на ЕП во кошарка за жени до 16 години.
![](http://ohrid.gov.mk/pictures/Evropsko_zeni_kosarka_2015_4852.jpg)
Во текот на неколку дневното првенство, 20 кошаркарски екипи односно 400 кошаркарки бесплатно ги користеа терените при СРЦ „Билјанини извори“ а општина Охрид на располагање ја стави преостанатата логистичка поддршка во насока на успешна реализација на овој крупен меѓународен спортски настан.
![](http://ohrid.gov.mk/pictures/Evropsko_zeni_kosarka_2015_4854.jpg)
Синоќа учесничките на Европското Првенство ги поздрави заменик градоначалникот на Охрид, Ангел Јанев.
-Почитувани учесници на Европското првенство во кошарка за девојки до 16 години од Б-дивизијата, Ви честитам за спортската и фер борба, во која победува најдобриот и искрено Ви посакувам повторно да бидете наши гости како дел од некое идно големо натпреварување. На организаторите, претставниците на Европската и Македонската кошаркарска федерација, спортските работници и публиката им изразувам благодарност за беспрекорниот тек на ова натпреварување од европски ранг. Локалната самоуправа , цврсто е определена, со напорна работа и посветеност, да ја реализира стратегијата, Охрид да стане центар на спортскиот туризам во регионот и да биде домаќин на меѓународни спортски манифестации.Ги имаме речиси сите потребни објекти во рамките на Спортско рекреативниот центар „ Билјанини извори“ и продолжуваме да градиме. Наскоро започнува изградбата и на затворен пливачки базен и хотелски комплекс каде ќе може да се сместуваат спортистите. Со заокружување на постојните и планираните зафати, ќе направиме овој центар, да биде атрактивно место за одржување не само домашни, регионални, туку и центар за врвни натпревари за сите спортови во светски рамки.Не случајно, Охрид го нарекуваат „ Македонскиот дел од рајот„ . Тука на чудесен начин се споени природата и културно- историското наследство и токму затоа е заштитен од УНЕСКО. Покрај напорните спортски активности, сигурно имавте малку време да ги видите и да ги почуствувате тие убавини, да се фотографирате и да понесете дел од оваа убавина, која постојано ќе Ве потсетува и ќе Ве тера да дојдете барем уште еднаш во Охрид- рече Јанев.
![](http://ohrid.gov.mk/pictures/Evropsko_zeni_kosarka_2015_4855.jpg)
Организаторот на настанот беше Кошаркарската Федерација на Македонија со поддршка на општина Охрид.
![](http://ohrid.gov.mk/pictures/Evropsko_zeni_kosarka_2015_4851.jpg)
![](http://ohrid.gov.mk/pictures/Evropsko_zeni_kosarka_2015_4853.jpg)
![](http://ohrid.gov.mk/pictures/Evropsko_zeni_kosarka_2015_4856.jpg)
Извор: www.ohrid.gov.mk |