Во рамките на активностите предвидени со годишната програма на Секторот за туризам и локален економски развој при општина Охрид, во соработка со туристичко-угостителските субјекти, деновиве успешно беше реализирана “Промотивната тура Охрид 2015“ . На промотивната туристичка тура, што се одржа од 02 до 05 април, учествуваа претставници од туроператори, туристички агенции, медиуми и туристички списанија од Турција, Србија, Израел, Русија, Бугарија, Словенија, Украина, Унгарија и Австрија.
![](http://ohrid.gov.mk/pictures/Tler_prom_tura_april_2015_4853.jpg)
Гостите имаа можност да се уверат во убаните на Охрид преку обиколка на стариот дел на градот, културно историските споменици и обележја, природните убавини и промоција на алтернативните форми на туризам со што гостите имаа можност и за фото- сафари тура.
Беа посетени повеќе хотели во охридскиот регион, каде што гостите се запознаваа со сместувачките капацитети, а воедно како резултат на промотивната тура веќе беа склучени и неколку договори за закуп на хотелските капацитети.
![](http://ohrid.gov.mk/pictures/Tler_prom_tura_april_2015_4852.jpg)
Се очекува учесниците од промотивната тура по престојот во Охрид преку медиумите и списанијата да објават репортажи со што на нивните гледачи и читатели ќе им ги презентираат убавините на нашиот град и поширокиот регион, како и целокупниот туристички потенцијал и понуда на Охрид.
![](http://ohrid.gov.mk/pictures/Tler_prom_tura_april_2015_4854.jpg)
Наскоро во две најгледани сателитски турски телевизии ATV и A haber ќе бидат емитувани специјални емисии, а репортажи ќе се објават и во десетте електронски и печатени списанија од нивната медиа групација, како и во GLOBER - JETLIFE eдно од најпознатите печатени списанија кое се дистрибуира во авио компанијата Atlas Global.
![](http://ohrid.gov.mk/pictures/Tler_prom_tura_april_2015_4851.jpg)
Извор: www.ohrid.gov.mk |