Охрид блесна во предновогодишен сјај, и според начинот на украсување истиот годинава е рамо до рамо со  познатите светски метрополи.

Светлечките реквизити поставени на плоштадот “Св. Климент Охридски“, кејот “Македонија“ и чаршијата се во  единствена бела боја а украсувањето е  надополнето и со  стари и репарирани новогодишни реквизити ѕвезди,петокраки,двојни петокраки,украсни и светлечки  црева.

Новогодишната елка се очекува да биде поставена во текот на утрешниот работен ден со што би се заокружил процесот на разубавување и китење на центарот од градов.

Во следните  работни денови ќе бидат   украсени и периферните делови на Охрид.

Акцијата за поставување на светлечките  реквизити и новогодишното разубавување на Охрид  започна пред околу една работна седмица и согласно планираната динамика и темпо на работа се очекува да заврши во следните два до три работни дена.

Стручните служби од општина Охрид  велат дека охриѓани и посетителите на градот за претстојните Новогодишни и божиќни празници повторно ќе можат да уживаат во  празничниот  амбиент.

Извор: www.ohrid.gov.mk